Beteja e hapur mes presidentit të ri të zgjedhur të Shteteve të Bashkuara të Amerikës, Donald Trump dhe financierit globalist George Soros duket se ka nisur në mënyrë të hapur për sovranitetin e shtetit.
MoveOn.org, një grup liberal që ka shpërthyer në protesta në mbarë vendin, është themeluar nga “Fondacioni për Shoqëri të Hapur – Open Society Foundations”, i Soros.
Të mërkurën pasdite kjo organizatë lëshoi një deklaratë për shtyp ku bënte me dije se do të kishte protesta paqësore në të gjithë vendin, sa i takon zgjedhjes së Trump si President. Në deklaratë thuhej se “qindra qytetarë amerikanë të organizuar në mënyrë paqësore do të protestojnë jashtë Shtëpisë së Bardhë si dhe në vende të tjera, kundër racizmit, islamofobisë dhe ksenofobisë”.
Dhe në fakt, ditën e mërkurë pati protesta në të paktën 10 prej qyteteve më të mëdha në SHBA si Çikago, Nju Jork, Los Anxheles, Filadelfia, Boston, Uashington, Portland, Oregon, St. Paul, Minesota, Siatëll etj.
Në Oregon ato janë kthyer në përleshje me policinë./tesheshi.com/
