Ata ishin në një barkë, gati për të hyrë në ishullin Pserimos, kur papritur panë një burrë që po notonte i vetëm në det dhe menduan se ishte një polumbar që po peshkonte ndaj u munduan ta evitonin, por kur u afruan vunë re se ai ishte në vështirësi ndaj gjëja e parë që bënë, ishte shpëtimi.
Ai që kanë hipur në bordin e barkës së tyre këta të rinj, është një sirian në një gjendje gjysmë të vetëdijshme. E nxorën nga uji, e morën me vete dhe për ta qetësuar, ajo, Sandra Tsiligeridu, e përqafoi fort dhe në mënyrë tepër të sinqertë, për ta bërë të ndihet sadopak mirë. Është pikërisht kjo fotografia që po bën xhiron e rrjetit.
Mesazhi, të paktën këtë herë, është pozitiv. Ai përqafim është më shumë se një përqafim: është simbol i dashurisë, humanizmit, solidaritetit dhe mirëkuptimit. Dhe në fakt, është e bukur që të paktën njerëzimi po flet për të tilla histori pozitive që mund të ndryshojnë fatet e personave të caktuar.
Burri që Sandra dhe miqtë e saj kanë shpëtuar quhet Mohamed. Ai kishte ngelur në mes të detit për më shumë se 13 orë me një jelek shpëtim, pasi kishte rënë nga barka me të cilën kushte udhëtuar bashkë me 39 bashkatdhetarët e tij.
Nga Turqia duhej të mbërrinin në Greqi. “Mohamed më kapi dorën fort dhe më tha ‘faleminderit’. Një fjalë që nuk do ta harroj kurrë”,- thotë Sandra. Sipas medieve lokale, Mohamed është bashkuar me familjen e tij, e cila kishte denoncuar zhdukjen e tij, sapo kishte mbërritur në ishullin Kos./tesheshi.com/
