Një qen i mbyllur brenda një makine, siç ndodh shpesh të shikojmë gjatë ditëve të sotme, shkakton shpesh herë probleme nga më të ndryshmet, siç është edhe thyerja e xhamit të makinës nga kalimtarët, për të shpëtuar kafshën, duke qenë se qeni mund të dehidratohet dhe të ngordhë nën temperaturat e larta.
Mirëpo, ky nuk është rasti. Këtë herë qeni është me të vërtetë vetëm, por në xhamin e makinës është ngjitur një letër, në të cilën shkruhet: “Ju lutem, mos e thyeni xhamin. Ajri i kondicionuar është i hapur, ka ujë dhe po dëgjon muzikën e tij të preferuar”.
Sigurisht, bëhet fjalë për një skenë të pazakontë, e cila është fotografuar dhe shpërndarë në Twitter, por që përsëri ka arritur të krijojë debate të shumta mbi mundësinë e lënies së një kafshe vetëm në makinë, edhe pse është në kushte shumë komode. /tesheshi.com/
