Nuk mbahet mend që skuadra londineze Chelsea të ketë pasur rezultatet më të dobëta, të paktën në shekullin e ri. Hera e fundit kur blutë kishin varguar më shumë se tri disfata rradhazi ishte viti 1999, ndërkohë Jose Mourinho, trajner i skuadrës na kthen 16 vite pas.
Kampionët në fuqi së fundmi u rrahën nga Stoke City me një rezultat minimal (1-0), por që mjafton për ta thelluar edhe më tej krizën në kampin blu. Pas 12 javëve të zhvilluara në Premier Ligë, Chelsea ka 11 pikë, që do të thotë se skuadra nuk ka arritur të sigurojë të paktën një pikë për ndeshje.
Mbrojtja e titullit kampion duket një mision tashmë i pamundur, ndërsa pjesëmarrja në garat europiane mbetet një ëndërr. /tesheshi.com/
