Këshilli i Sigurisë Kombëtare i thirrur nga Presidenti i Republikës, është mbledhur pasditen e sotme në selinë e Presidencës, ku u diskutua mbi masat që duhen marrë për t’u përballur me terrorizmin, që mund t’i kanoset vendit
Presidenti theksoi se në këtë situatë kërcënuese, edhe Shqipëria si anëtare e NATO-s, vend kandidat për në Bashkimin Evropian dhe aleat i koalicionit ndërkombëtar kundër terrorizmit ka detyrimet dhe përgjegjësitë e veta përkatëse.
Ai nënvizoi nevojën se në këtë lloj situate institucionet e shtetit duhen të lëshojnë mbi të gjitha mesazhe të palëkundura garancie dhe stabiliteti për t’i siguruar qytetarët se nuk ka vend për panik dhe se janë marrë masat e nevojshme parandaluese dhe se janë ngritur dhe janë plotësisht operacionalë mekanizmat e reagimit e të përballjes me rrezikun e sulmeve të mundshme./tesheshi.com/
