Trajneri i Manchester Unitet, do të përshëndetet me zanatin e trajnerit vitin e ardhshëm, pasi ka bërë një premtim shumë interesant. Pasi të mbushte 65 vjeç, ai i kishte premtuar gruas se do t’i përkushtohej duke jetuar vetëm me të në një vilë në Portugali.
Gjatë fazës përgatitore që United e zhvilloi në SHBA, holandezi Van Gaal kishte bërë gati planin për sezonin e ri, pasi, sipas të gjitha gjasave, do jetë i fundit për të, para se të shpërngulet në vilën e tij luksoze në Portugali.
Megjithatë, një paralajmërim të tillë e kishte bërë edhe Sir Alex Ferguson gjatë kohës që drejtonte Manchester United në vitin 2003. Vendimi për të dalë në pension ishte shumë i vështirë dhe kështu do jetë edhe për van Gaal, beson skocezi.
“Ne nuk e dimë me të vërtetë se çfarë do të bëjë Luis. Por, e di që do jetë e vështirë për t’u ndarë nga futbolli”, theksoi Ferguson.
Duke folur para sfidës që United luan në Champions League përballë Wolfsburg në shtëpi, Van Gaal deklaroi se do të ishte “shumë e vështirë” për gruan e tij në qoftë se ai do të ndryshojë mendje në lidhje me daljen në pension.
“Vitin e ardhshëm, unë i mbush 65 vjeç. I kam premtuar gruas time që do të shkojmë për të jetuar në vilën tonë në Portugali. Do jetë shumë e vështirë për të nëse vendosi të qëndroj edhe një vit dhe unë duhet ta mbajë premtimin”, theksoi holandezi. /tesheshi.com/
