Nga Albulena Jahaj
Ndonëse në moshë të shtyrë, ai asnjëherë nuk ndalet. Doktor Mazllum Belegu nga Kosova i ka venë kusht vetes që jetën t’jua përkushtoj fëmijëve, shëndetin të tyre, dhe do bëjë gjithçka që të kontribuojë në shërimin e tyre. Si udhëheqës i organizatës “Giftoflife Kosova”, doktori në pension deri më tani ka bërë të mundur shërimin e 85 fëmijëve kryesisht më probleme në zemër.
Doktori 72-vjeçar që dikur kishte ëndërr të bëhej pediatër, është bërë shpresa më e madhe e gjithë fëmijëve më sëmundje në zemër, që fatkeqësisht nuk kanë shërim në Kosovë. Doktori që tashmë ka kaluar një jetë të tërë në shëndetësi, vite më parë nisi një mision për të dërguar fëmijët për shërim në Amerikë. Ka qenë shumë e vështirë kjo, thotë ai, dhe dhe në atë kohë vetëm një fëmijë ishte arritur të dërgohej. “Gjithçka kishte qenë ide e Klubit Rotarian “Peja” që në atë kohë ishte në formim e sipër por që ndaloi për shumë arsye, dhe vetëm një vajzë u arrit të dërgohej për shërim”, shprehet doktor Belegu. Në atë kohë, sikur edhe sot, kërkesat e fëmijëve me sëmundje në zemër për shërim jashtë vendit janë të mëdha pasi në Kosovë është po thuajse i pamundur trajtimi i problemeve në zemër.
S’ka lumturi më të madhe se sa kur sheh se fëmijët kthehen të shëruar dhe më plot jetë, na tregon doktori që deri më tani ai përmes organizatës “GiftoflifeKosova”, formuar më vonë, ka arritur të shërojë 85 fëmijë ku vetëm dy nga ta kishin ndërruar jetë dhe të tjerët kryesisht ishin shëruar.
“Ne filluam një rrugë të mbarë dhe e cila po na del tepër e mirë, sidomos derisa shohim se si fëmijët tonë nuk vdesin nga sëmundjet që nuk shërohen këtu më Kosovë. Fëmijët po dërgohen për shërim në spitale të ndryshme në SHBA dhe ndihma gjithmonë ka qenë nga organizata ndërkombëtare “GiftoflifeInternational” na rrëfen doktori që tashmë gjithmonë zë vendin e parë në zemrat e qindra njerëzve në mbarë vendin, sidomos prindër.
“GiftofLifeInternational” me seli në Nju Jork pesë vite më parë kishte vendosur që pikërisht doktorin nga Kosova ta zgjedh edhe “Angelsofyear 2014” apo “Engjëlli i vitit” mirënjohje, kjo që erdhi nga organizata e cila vazhdontë financojë shërimin e fëmijëve nga Kosova që kanë probleme në zemër. Çmimi për doktorin tashmë në pension kishte qenë një shtytje edhe më e madhe që të vazhdojë rrugëtimin për sa më shumë ndihmë fëmijëve, që në shumicën e rasteve kanë qenë të harruar edhe nga shteti.
Për gjithë këta fëmijë që deri më tani kanë pasur shërim, mjetet financiare janë siguruar nga organizata “Giftoflifeinternational” dhe organizata tjera ndihmëse. Zakonisht fëmijët që dërgohen për shërim shoqërohen vetëm nga njëri prind. Ministria e Shëndetësisë se Kosovës arrin të paguajë vetëm biletat e udhëtimit dhe asgjë më shumë.
Profesori në pension, që për vite të tëra ka udhëhequr Transfuzionin e Gjakut në Kosovë, e di mirën djenjën e të qenit human dhe i qëndron besnik betimit të Hipokratit. Ai vazhdon t’ju qëndroëj besnik fëmijëve që shkojnë për shërim në spitale të ndryshme të Shteteve të Bashkuara të Amerikës.
“Deri më tani arrij që çdo fëmijë ta përcjell kur niset për shërim. Po ashtu i lumtur pres edhe ardhjen e tyre pas shërimit. Para dy viteve më kujtohet kur një vajzë nga Prizreni arriti në aeroportin e Prishtinës dhe nga larg shoh kur me vrap shkëput dorën nga nena e saj, më hidhet mua në përqafim sikur asnjëherë më parë nuk më kishte ndodhur”, rrëfen doktori i cili pikërisht kishte mundësuar shërimin e vajzës që sipas tij ishte në gjendjen më kritike, por qe falë intervenimit ishte kthyer e shëndetshme. Sipas doktorit Belegut, s’ka asgjë më të bukur në jetë derisa sheh një fëmijëqë i gëzohet jetës pas shërimit.
“E çfarë mund të kërkoj më shumë nga kjo jetë, përveç asaj që tani jam duke e jetuar. Tash më shumë se kurrë më është aktivizuardëshira që gjithmonë e kisha, t’i ndihmoj fëmijët jo duke i shëruar më duart e mija, por duke ju ndihmuar për të arritur deri të shërimi”, ka treguar për tesheshi.com Mazllum Belegu. doktori që jo kot u shpall edhe “Engjëlli i Vitit” nga organizata ndërkombëtare “GiftoflifeInternational”
Kohët e fundit janë rritur më shumë se kurrë shpresat e këtyre fëmijëve për mjekim jashtë vendit. Dhe një gjë të tillë po e mundëson pikërisht tash e disa vjet organizata “GiftofLife Kosova”, që drejtohet nga doktori në pension, Mazllum Belegu. Kjo organizatë deri më tash ka dërguar për shërim në SHBA 85 fëmijë me probleme në zemër. Ndërkaq, gjatë kësaj periudhë është duke u bërë lista me fëmijët që kanë probleme të tilla, pasi pritet që ekipi i mjekëve do të arrijë në muajin korrik të këtij viti. Ata që kanë nevojë urgjente për shërim dhe do të dërgohen në spitale të ndryshme të Shteteve të Bashkuara për trajtim. /tesheshi.com/
