Skuadra izraelite ka zbritur në stadiumin “Elbasan Arena” për të kryer stërvitjen e fundit përpara ndeshjes së nesërme kundër Shqipërisë. Gjithçka është zhvilluar nën masa të rrepta sigurie dhe ka kaluar pa incidente.
Forcat policore ndodheshin jashtë stadiumit për të ruajtur rendin dhe sigurinë, por edhe brenda në stadium, pranë fushës dhe në tribuna.
Pas tyre ka nisur stërvitjen edhe skuadra shqiptare, por në ndryshim nga ajo izraelite, ka qenë tërësisht e vetme në stadiumin “Elbasan Arena”. Me largimin e lojtarëve të Izraelit ra në sy edhe largimi i forcave të shumta të policisë nga stadiumi, por jo nga ambientet e jashtme të tij.
Situata brenda grupit duket e qetë, por përjashtim bëjnë Roshi dhe Sadiku, ku i fundit vjen pas një dëmtimi të gjatë dhe pse është rikuperuar plotësisht duket se ende nuk është në formën e tij më të mirë. Thuajse e njëjtë edhe situata e Roshit dhe për të dy lojtarët, trajneri De Biasi tha se duhet të presim edhe 24 orë për të mësuar nëse do të jenë në gjendje për të luajtur ndaj Izraelit./tesheshi.com/
