Mary Poppins, dadoja më e njohur në historinë e kinemasë është duke u kthyer në ekranet tona. Është duke u përgatitur ristartimi i filmit të ri nga klasikët e Disney.
Filmi i parë, i cili ka dalë në vitin 1964 ka fituar plotë 5 çmime Oscar dhe Julie Andrerws, e cila interpretonte protagonistin, është cilësuar dhe vlerësuar si aktorja me interpretimin më të mirë. Por cila do të jetë fatlumja, e cila do të ketë nderin dhe përgjegjësinë për rolin e Mary Poppins në filmin e drejtuar nga Rob Marshall?
Sipas thashethemeve dhe zërave të parë të publikuar në denofgeek.com, ajo që do të interpretojë dadon do të jetë aktorja Emily Blunt. 32-vjeçarja, e cila njihet edhe për rolin e saj në filmin “Djalli vishet me Prada”, ka në favorin e saj interpretimin dhe eksperiencën në role ku ka kënduar.
Në kurrikulumin e saj spikasin pjesëmarrjet në dy musical të realizuar nga Disney “The Muppet” si dhe “Into the Woods”. Aktorja, ndër të tjera ka marrë në dorë tekstin me regjinë e Marshall si dhe është britanike, ashtu si edhe Andrews.
Filmi i ri, i cili është inspiruar nga seria e romaneve të shkruara nga Pamela Lyndon Travers, do të vendosë skenat në ambientet e viteve ’20, rreth dy dekada pas ngjarjeve të filmit të parë, i cili pati shumë sukses. Ai që do të kujdeset për kurimin e skenografisë do të jetë David Magee, ndërsa muzikat i janë besuar Marc Shaiman e Scott Wittman./tesheshi.com/
