Presidenti sirian, Bashar al-Assad është i bindur se ka mbështetjen e aleatëve të rëndësishëm që e kanë mbështetur gjithnjë, Moskës dhe Teheranit.
Ndërsa komuniteti ndërkombëtar ka nisur një përpjekje të re për të zgjidhur konfliktin 4-vjeçar të Sirisë, ku nuk ka munguar edhe bashkëpunimi rus në ndonjë rast, janë shtuar zërat se Assad do të jetë i detyruar të bëjë kompromis e të pranojë zgjidhjet e ofruara.
Por, Presidenti sirian ka thënë se Rusia dhe Irani nuk i braktistin miqtë e tyre, ndërsa beson se zgjidhja e vetme për krizën në këtë vend, është ndalimi i mbështetjes së “terroristëve” nga bota.
Terroristë për al-Assad janë si aktivistët opozitarë ashtu edhe dhe grupet xhihadiste.
Panoramës i shtohet edhe një epokë e re në marrëdhëniet e Perëndimit me Iranin, por megjithatë edhe me nënshkrimin e marrëveshjes për frenimin e programit bërthamor nga Irani, dhe heqjen e disa sanksioneve, Assad nuk trembet se mund të lihet i vetëm. /tesheshi.com/
