Përplasje ndërmjet përfaqësuesve të dy partive maqedonase në seancën e sotme kuvendore të Komisionit i cili duhet të vendos për impiçmentin e presidentit të shtetit maqedonas, Gjorgje Ivanov. Për LSDM-në Ivanov do të hyjë në histori, si president që ka mbrojtur kriminelët ndërsa për VMRO-në vendimi për abolim i presidentit Ivanov është ligjor dhe kushtetues.
Deputetja nga rradhët e LSDM-së, Renata Deskovska vlerësoi se tani më ka humbur besueshmëria e qytetarëve ndaj institucioneve, dhe në mënyrë që të rrikthehet ajo besueshmëri është e domosdoshme dorëheqja e presidentit Ivanov.
“Jemi në një kohë kur Kuvendi është nënshtruar dhe është rrënuar besimi i qytetarëve ndaj institucioneve. Impiçmenti ka për qëllim kthyerjen përgjegjësisë së institucioneve. Ne jemi këtu për ta mbrojtur Kushtetutën. Përgjegjësia është akt në interes të përgjithshëm. Historia do ta mbajë mend kryetarin e shtetit si mbrojtës të krimit. Ai e thelloi krizën. Duke keqpërdorur funksionin e tij solli vendim për falje dhe shkeli Kushtetutën. E kthehu Maqedoninë në Maqedoninë. Bëri ndarjen e popullit: krijoi njerëz të paprekshëm dhe të vdekur”, theksoi Renata Deskoska, deputete e LSDM-së.
Nga ana tjetër deputeti i partisë maqedonase në pushtet, VMRO-së, Kërsto Mukovski ka dalur në mbrojtje të presidentit, madje duke akuzuar partinë nga tabori kundërshtar LSDM-në se janë turpi i popullit meqë po tentojnë të një institucion të lartë siç është presidenti i shtetit.
“Sot në Kuvendin e Maqedonisë kemi një ngjarje historike, e cila për fat të keq nuk është e mirë. Kjo nismë paraqet turp, rezil për LSDM-në si parti politike pasi që me këtë akt dhe me këtë iniciativë të cilën e kanë propozuar, dhe që aspak nuk mban juridikisht po tentojnë të godasin edhe një institucuion, presidentin e shtetit. Unë jam i bindur se këta njerëz që kanë marrë këtë iniciativë nuk janë të vetëdijshëm se në çfarë labirinthi po futen”, tha Kërsto Mukovski nga VMRO-DPMNE.
Ndryshe presidenti i shtetit Ivanov para 1 muaji ka sjellur vendim për abolim të 56 personave, përfshirë këtu edhe funksionarë të lartë shtetërorë të pushtetit, e që më pas të tërheq pjesërisht këtë vendim për 22 persona që janë aktiv në politik.
Opozita po edhe komuniteti ndërkombëtarë janë kundër tërheqjes së pjesërishme të këtij vendimi nga ana e presidentit Ivanov. Sipas tyre gjithë qytetarët duhet të jenë të barabartë para ligjit, andaj kërkojnë tërheqje të tërësishme të vendimit për abolim(falje).
M.Krasniqi – /tesheshi.com/
