Sindikata e pavarur e transportuesve me kamionë “Makam Trans” kërkon nga Ministria e Transportit që të heqë kartonin e gjelbër për dalje jashtë vendit.
Gjithashtu kërkohet që të ulet çmimi për regjistrimin e kamionëve duke eliminuar të paktën njërën prej pagesave për mirëmbajtjen e rrugëve.
“Çështja e kartonit të gjelbër dhe pagesës për rrugë madje është në kundërshtim me ligjin dhe Kushtetutën, prandaj duhet të hiqen nga lista e detyrimeve të transportuesve.
Në këtë mënyrë do të zbatohej zotimi i qeverisë për kthimin e një pjese të parave të qytetarëve të Maqedonisë në buxhetin e tyre familjar”, deklaroi Strasho Jovanov, përfaqësues i “Makam Trans”.
Sindikata e pavarur ka kërkuar takim me ministrin e transportit Goran Sugarevski, por ai ende nuk i është përgjigjur kërkesës. /tesheshi.com/
