Ministrja Manastirlliu e ka çdramatizuar vetëlargimin e Dr. Tritan Kalos nga Komiteti Teknik. Ky i fundit tha se po dilte prej aty, pasi politika arriti të përçajë dhe mjekët, gjithsesi duke mos qenë edhe më konkret në pretendimin e tij.
E tilla është treguar dhe ministrja e Shëndetësisë, e cila ka publikuar një foto me doktorin e njohur pas ikjes, por duke iu shmangur arsyeve të aktit të Kalos.
“Një kafe pune me Prof. Tritan Kalon, që prej shumë kohësh i kemi periodike, për të ndarë mendime e këshilla.
Mirënjohje për kontributin e tij të vlefshëm në Komitetin Teknik të Ekspertëve, përgjatë një viti sfidues dhe aspak të lehtë të përballjes me pandeminë COVID-19.
Prof. Kalo do vazhdojë të japë kontributin e tij në shërbim të pacientëve, si gjithmonë me profesionalizmin dhe ndjenjën e lartë të përgjegjësisë.
Bashkë kemi një thirrje: Ju lutemi zbatoni masat.
#Maskën
#Distancën
#Higjienën
#Bashkë do ia dalim!
Dhe në fund po ia huazoj me leje Prof. Kalos, atë shprehjen që përdor gjithmonë: ‘Together Forever’, shkruan Manastirliu.
Gjithsesi, edhe pas këtij takimi mes tyre, mbetet e paqartë se përse Dr. Kalo bëri divorc me Komitetin Teknik.
Nga ana tjetër, po nga ky komitet, Dr. Najada Çomo, shefe e Spitalit Infektiv, vendosi të pranojë ftesën e Ramës për të kandiduar për PS-në zgjedhjet e 25 prillit. /tesheshi.com/
