Pas gjetjes së trupit të 31 vjeçares Yulia Balykina kampione bjelloruse e atletikës, e zhdukur më 28 tetorin e shkuar, shkon në 16 numri i atletëve që kanë ndërruar jetë pasi kanë marrë pjesë në Lojërat Olimpike të Londrës në vitin 2012, vetëm 3 vite më parë. Një numat tejet i lartë, duke marrë në konsideratë moshën e re të viktimave.
Viktimat:
Keitani Graham, 32 vjeç – Ka prezantuar Mikronezinë dhe ka ndërruar jetë në dhjetor të vitit 2012 nga një atak kardiak.
Burry Stander, 28 vjeç – Çiklisti afrikano-jugor, kampion i botës nën 23 në vitin 2009, u përplas nga një taksi ndërsa ishte duke u trajnuar.
Andrew Simpson, 36 vjeç – Marinari britanik, fitues i medaljes së arit në Olimpiadën e Pekinit në vitin 2008 dhe medaljes së argjendit në Olimpiadën e Londrës në vitin 2012, ndërroi jetë në vitin 2013, kohë kur anija në të cilën ai lundronte u përmbyt.
Yelena Ivashchenko, 28 vjeçe – Fituese e medaljes së artë në Europianin e judos në vitin 2012, ndërroi jetë në 15 qershor të vitit 2013.
Billy Ward, 20 vjeç – Boksieri australian ndërroi jetë në moshën 20 vjeçare, më 4 gusht të vitit 2013, pasi kreu vetëvrasje ndërsa vuante nga depresioni i thellë.
Abdelrahman El-Trabily, 24 vjeç – Mundësi egjiptian dhe profesori universitar, u vra në 16 gusht 2013, ndërsa mori pjesë në një demonstratë në mbështetje të ish-presidentit Mohamad Morsi.
Jakkrit Panichpatikum, 40 vjeç – Tajlandezi ndërroi jetë pasi u qëllua me armë ndërsa ishte duke vozitur automjetin e tij. Vjehrra e tij tregoi disa muaj më pas se kishte paguar dikë që ai të ndërronte jetë.
Christian López, 29 vjeç – Peshëngritësi nga Guatemala, i cili kishte marrë pjesë në Olimpiadën e Londrës në kategorinë +150 kg, ndërroi jetë si pasojë e një komplikacioni në mushkëri më 6 nëntor 2013.
Elena Baltacha, 31 vjeçe – Tenistja britanike ndërroi jetë më 4 maj të vitit 2014 për shkak të një tumori në mëlçi. Vetëm disa javë më parë ishte martuar me mësuesin e tenisit, Nino Severino.
Besik Kudukhov, 27 vjeç – Konsiderohet si një nga mundësit më të fortë të viteve të fundit. Gjeorgjiani ishte finalist në lojërat greko-romake në Olimpiadën e Londrës dhe ndërroi jetë në një aksident rrugor më 29 dhjetor 2013.
Alexis Vastine, 28 vjeç – Boksieri francez ndërroi jetë në një aksident me helikopter të ndodhur në Argjentinë, ku ndodhej bashkë me disa atletë të tjerë për realizimin e spektaklit “Dropped”.
Camille Muffat, 26 vjeçe – 4 herë kampione evropiane në 400 metra, notarja franceze humbi jetën në incidentin ajror të 9 marsit këtë vit.
Daundre Barnaby, 24 vjeç – Xhamajkani q përfaqësonte Kanadanë në maratonën e Olimpiadës së Londrës, ndërroi jetë ndërsa ishte duke u trajnuar më 27 mars 2015.
Trevor Moore, 40 vjeç – Marinari amerikan u shpall i vdekur më 25 qershor të këtij viti, pasi gomonia e tij u gjet e zbrazët në mes të detit në Miami.
Laurent Vidal, 31 vjeç – Atleti francez, i cili u rendit i katërti në Olimpiadën londineze ndërroi jetë ndërsa flinte, për shkak të një ataku kardiak më 10 nëntorin që lamë pas.
Yulia Balykina, 31 vjeçe – Rasti i fundit është ai i kampiones bjelloruse të atletikës, trupi i së cilës u gjet në një pyll. Policia e Minskut po heton si të dyshuarin kryesor për vrasjen e saj, ish të dashurin e vajzës, Dimitri V./tesheshi.com/
