Ministri i Jashtëm malazez Srdjan Darmanovic ka thënë se Mali i Zi ka rezerva në lidhje me idenë e shkëmbimit të territorit në rajon, por në rast se Serbia dhe Kosova pajtohen, vendimi i tyre do respektohet.
“Ne mbështesim çdo dialog mes Serbisë dhe Kosovës. Ne kemi rezerva tona vetëm në lidhje me parimin e zgjidhjes së problemit nëse bazohet në shkëmbimin e territorit”, tha ai për Zërin e Amerikës.
Darmanoviç tha gjithashtu se lajmi i madh i rajonit është nënshkrimi i protokollit mbi pranimin e Maqedonisë në NATO.
“Kjo e stabilizon më tej rajonin”, tha ai.
Ai tha gjithashtu se Bashkimi Evropian duhet të jetë aktiv nëse dëshiron që Ballkani Perëndimor të bëhet pjesë e Evropës. /tesheshi.com/
