Një foto interesante që paraqet burrin më të fuqishëm të Amerikës në atë kohë, Presidentin Franklin Delano Roosevelt duke udhëtuar me makinën e blinduar të konsifikuar të Al Kapone-s. Është pikërisht mjeti i dalë në ankand para disa muajsh, mjet që u shit rreth 383 mijë dollarë.
Kjo pasi makina e Al Kapones-s ishte makina me e sigurt e asaj periudhe. Duke qënë një nga burrat më të frikshëm, ai ishte njëkohësisht edhe nga më të rrezikuarit nga hakmarrjet e bandave rivale dhe vetë policia e shtetit. Duke pasur këtë trysni të frikshme hakmarrëse mbi kurriz, ai, bosi i krimit, kishte gjetur një mbështetje nga teknika e përdorur, nga më të sofistikuarat e asaj periudhe, duke e kthyer mjetin e tij në makinën më të aftë që mund te përballonte sulmet e armatosura.
Dhe kjo e bënte të ndiehej i sigurtë, megjithëse krahas kësaj mase “teknologjike”, ai shoqërohej i rrethuar edhe nga një shpurë me persona të armatosur nga më të besuarit. Mjeti i blinduar i Al Kapones-s është i prodhimit të vitit 1928 Cadillac V8 Town Sedan. Makina ishte bërë posaçërisht për Caponen-n, me projekt të veçantë, si me xhama antiplumb disa inç të trashë dhe me rreth 1360 kg çeliqe speciale që e bënin mjetin të padepërtueshëm nga plumbat dhe bombat që mund të përdornin kundërshtarët e tij të shumtë.
Kjo foto është bërë kur Kapone ishte i burgosur për evazion fiskal, dhe Departamenti Amerikan i Thesarit e kishte konfiskuar makinën e tij. Ekspertët e sigurisë së Presidentit e kanë parë si mjet mjaft efektiv dhe të mirëpërdorshëm, që arritën ta përzgjedhin për ta përdorur në shërbim të Presidentit Franklin Delano Roosevelt, në ditët e passulmit në Pearl Harbor, kur agjentët e Shërbimit Sekret kishin edhe më shumë frikë se jeta e tij mund të ishte në rrezik. Mjeti i bosit të krimit është përdorur rreth viteve 1939, pasi ekspertët e sigurisë presidenciale kishin konstatuar se mjeti në përdorim për Presidentin, një 1939 Lincoln V12 i konvertueshëm i quajtur “Sunshine Special”, nuk kishte armim të nevojshëm antiblind në raport me armatimet që kishin hyrë në përdorim në fillim të luftës së II-të botërore.
Për këtë ata e dërguan “Sunshine Special”, në fabrikë për të bërë blindimin e tij sipas teknologjis së re të ruajtjes së personelit të rëndësisë së veçantë. Mjeti i Presidentit u pajis me goma speciale dhe me vend për vendosje mitrolozi. Po gjatë tërë periudhës së pritshmërisë, u përdor makine e blinduar e banditit të famshëm. Madje siç shihet nga fotot e botuara të asaj periudhe, Presidenti ka bërë edhe pritjen shtetërore në këtë mjet intrigues.
Pas kësaj, mjeti i banditit legjendar u hoq nga përdorimi duke ka kaluar në shumë duar koleksionistësh duke udhëtuar në shumë muzera dhe ankande me ngritje të shpeshta çmimesh.
Makina ka gjithashtu edhe drita policie, sirena policie dhe është e pajisur me një radiomarrëse e bërë në mënyrë artizanale. Në ankande kanë dalë krahas mjetit edhe objekte te shumta të përdoruara prej Kapone-s.
E veçantë edhe edhe një pistoletë kalibër i vogël i markes “Golt”, që është shitur rreth 15.000 $, kur në tregun e zakonshëm kushton rreth 200 $.
/tesheshi.com/
Përgatiti: Mark Brunga
