Mijëra njerëz kanë aplikuar për të adaptuar një mace që u shpëtua nga një ushtar turk në el-Bab të Sirisë, gjatë operacionit ushtarak “Mburoja e Eufratit” muajin e kaluar.
Rreshteri i specializuar Omer Ozkan ka gjetur macen, e cila ishte e uritur dhe e frikësuar. Ai mori macen, të quajtur Barısh (“Paqja” në turqisht) në selinë ushtarake, ku ai u përkujdes për të për tre muaj rresht.
Ozkan pastaj iu drejtua mediave sociale për të kërkuar ndihmë në gjetjen e ndonjë personi apo shoqate e cila do të përkujdesej për macen e shpëtuar.
Një shoqatë për përmirësimin e jetës së kafshëve me seli në Gaziantep, (CAHIDE) kontaktoi me Ozkan, ku më pas s Barish u soll në distriktin Karkamish pranë kufirit, para se përfundimisht të transferohet në Gaziantep më 21 shkurt, pas një udhëtimi dy-ditor.
Dhe pasi macja është përmendur në rrjete sociale, media dhe televizione, një numër njerëzish nga Turqia dhe jashtë saj kanë kontaktuar shoqatën duke kërkuar që ta adaptojnë atë.
Duke deklaruar se kishin marrë kërkesa nga Holanda, Gjermania, Austria dhe madje edhe nga Japonia, zyrtarët thanë se kërkesat janë duke u vlerësuar një nga një për të siguruar që macja të shkojë te një i apasionuar i vërtetë pas kafshëve.
Anëtari i Bordit Ekzekutiv të CAHIDE-s, Kemal Gunesh, tha se macja ishte shumë e lodhur kur ata e morën atë.
“Ajo tani është vaksinuar dhe është e pastër. Unë shpresoj se ne do të gjejmë një shtëpi të mirë. Më vonë, Ozkan erdhi për të na vizituar, dhe Barish e njohu atë menjëherë posa ai hyri në derë. Macja është shumë e lidhur pas kafazit, pasi ka frikë nga zhurmat e shpërthimeve të bombave. Ajo ndihet i sigurt këtu”, tha Gunesh.
Gunesh tha të gjithë donin të adaptojnë macen, sepse ajo ishte bërë e famshme në mediat sociale.
“Ajo shfaqet shumë e dashur. Ne duam t’ia japim atë një të apasionuari të vërtetë pas kafshëve. Ajo duhet të vaksinohet në kohën e duhur. Ne duam që të jetojë në një mjedis të ngrohtë. Kjo është një mace tetë muajshe. Njerëzit nga e gjithë bota duan të adaptojnë, por ne duam të shohim atë edhe pasi të jetë adaptuar”, tha Gunesh. /tesheshi.com/
