Banania është një nga frutat me vlerat më të larta ushqimore dhe e njohur nga të gjithë, por shumë pak e dinë se ka edhe banane të kuqe. Ajo rritet në Amerikën e Jugut dhe në Azi dhe është një nga varietetet më të shijshme të bananes, e njohur me emrat “Nendran” në Amerikën e Jugut dhe “Ethakai” në Azi.
Edhe pse më shumë të njohura janë bananet e verdha, të kuqet përmbajnë sasi të mëdha karoteni dhe nivele më të larta të vitaminës C.
Bananet e kuqe, i gjen rrallë në tregjet evropiane, por ato mund të hahen të papërpunuara ose të përdoren në gatim në shumë lloje mënyrash. Një tipar i veçantë i tyre është aroma më e fortë dhe shija më e ëmbël, në krahasim me bananen e verdhë.
Banania e kuqe ka një pamje të mrekullueshme për shkak të ngjyrës së kuqe të lëkurës. Tuli i tyre ka një ngjyrë trëndafili, sikur ka marrë pak nga ngjyra e kuqe e lëkurës, kurse shija ngjason me atë të manaferrave, ndërsa sasia e madhe e sheqernave që ato përmbajnë është ideale për përdorimin në ëmbëlsira./tesheshi.com/
