Në ditën e tij të parë të vizitës zyrtare në Shqipëri, Presidenti gjerman Frank-Walter Steinmeier u bëri thirrje politikanëve të Tiranës të dalin nga llogoret politike për të vijuar reformat që do të çojnë drejt anëtarësimit të plotë në Bashkimin Europian.
“Unë shpresoj që shumë shpejt Shqipëria do të mund të bëhet pjesë e Bashkimit Evropian edhe në dimensionin formal të tij”, tha ai.
Këtë qëndrime, ai i përcolli gjatë konferencës për shtyp me homologun shqiptar ku tregoi se një nga mënyrat për të përshpejtuar këtë rrugëtim integrues është edhe procesi i Berlinit. “Besoj se qartësisht në Shqipëri por edhe në mbarë rajonin e Ballkanit Perëndimor është perceptuar qartësisht se në shfrytëzojmë procesin e Berlinit për të përshpejtuar rrugën e integrimit europian në mënyrë që këtu të krijojmë dhe bëjmë gati rrugën për një bashkëpunim rajonal”, tha kreu i shtetit gjerman.
Steinmeierit vijoi me mesazhe inkuarajuese, dukë thënë:
“Ju lutem sot, vazhdoni e të punoni më tej në luftën kundër pengesave atje ku ato ndodhen. Punoni më tej në sprapsjen e korrupsionit dhe krimit të organizuar. Vijoni reformën në drejtësi të iniciuar tani më dhe punoni para së gjithash përtej llogoreve ndërmjet opozitës dhe qeverisë. Punoni së bashku! Destinacion i përbashkët për anëtarësim në BE ia vlen në këtë përpjekje dhe sikundër deri tani, ju do të keni mbështetjen e mëtejshme të Gjermanisë.
Ju mund të jeni model për shumë njerëz kudo në Europë, edhe në vendin tim. Edhe pse anëtarësimi në BE nuk është ende realitet, Shqipëria është provuar prej kohësh si demokraci e pjekur. Vendi juaj është sot një aktor i njohur në skenën ndërkombëtare dhe mbrojtës i rendit botëror, bazuar në rregulla”, tha Frank – Walter Steinmeier. /tesheshi.com/
