“Ka një ndikim të tmerrshëm dhe një presion të madh ndaj zyrës së Facebook në Moskë”,- ka qenë akuza e Kievit ndaj Putinit, çka shënon një kapitull të ri të luftës, cila ka nisur formalisht në Minsk dhe vijon edhe në fushën ushtarake e në nivel diplomatik.
Si në rastin e rrjeteve të tjera sociale, ka nisur një luftë që e ka shtyrë presidentin Petro Poroshenko ti kërkojë themeluesit të Facebook të ndërhyjë në betejën e komenteve online.
Sipas zëvendës shefit të administratës presidenciale, Dmytro Shymkiv, përdoruesit ukrainas të Facebook janë ‘bannuar’ nga një zyrë moderatorësh të cilët janë nën kontrollin e Kremlinit.
Lufta e përjetuar në rrjetet sociale është e rëndë dhe shpesh, komentet e përdoruesve janë tepër të ashpra. Ata shpesh herë dalin jashtë çdo parashikimi dhe normash, sipas zyrës së Facebook, e cila kundërshton akuzat për infuencë nga Moska.
Poroshenko u ka bërë thirrje përdoruesve ti shkruajnë një letër, kërkesë Zuckerberg për të denoncuar këtë fakt, por përgjigja e themeluesit të rrjetit social ka shmangur çdo dyshim.
“Kanë pasur disa publikime që kanë shkelur çdo rregull dhe mendoj se kemi bërë gjënë e duhur që i kemi hequr”,- ka thënë Zuckerberg, çka ka vijuar të kundërshtohet nga ukrainasit.
Poroshenko i ka kërkuar Zuckerberg të hapë një zyrë të Facebook në Kiev. Ky mendohet si një veprim që mund të jetë pjesë e një strategjie të plotë dhe të saktë politike. Këto janë raste që mund të ndikojnë fuqishëm në opinionin publik të brendshëm dhe të jashtëm.
Presidenti i Ukrainës u ka bërë thirrje qytetarëve të publikojnë poste në murin e themeluesit të Facebook, në mënyrë që të ‘përdorin të gjitha kanalet e mundshme për të pasur një reagim në fushën globale”. Akuzat e tij kanë pasur një përgjigje të menjëhershme. “Nuk kemi një zyrë fizike në Rusi”,- kanë saktësuar drejtuesit këtij rrjeti social në një përgjigje.
Akuzat e Kievit tani janë postuar në një plan tjetër. “Në Rusi, beteja në rrjetet sociale janë përgjithësisht akute. Qeveria përdor një ushtri online për të bllokuar përmbajtjet kritike për Kremlinin dhe më tej bllokohen llogaritë e përdoruesve”,- ka thënë blogeri dhe gazetari Sergei Parkhomenko. /tesheshi.com/
