“Shko pyet ambasadorin amerikan”, i tha ditë më parë Rama -Jozefina Topallit gjatë një replikimi në parlament në lidhje me trafikun e kanabisit. Dhe më së fundi, Lu foli, por jo siç do e priste Rama. Ambasadori amerikan u shpreh për herë të parë në lidhje me fenomenin e drogës në Shqipëri, ku fajësoi si ish-qeverinë Berisha, po ashtu dhe këtë aktualen e Ramës. Por ndërsa për të parën dihej që ishte e përlyer nga Lazarati, kjo e dyta është përbën një risi në qëndrimin amerikan. Madje mund të thuhet se deklarata e Lu-së ishte një shuplakë për Ramën në lidhje me kanabisin.
“Pyetja që është bërë disa herë në media është nëse situata sot është më keq se sa ishte nën qeverinë e kaluar. Dhe reagimi im është se mendoj se të dyja, qeveria e kaluar dhe qeveria aktuale kanë probleme me trafikimin e drogës dhe ka politikanë që kanë përfituar nga lidhjet e tyre me trafikantët e drogës. Dhe mendoj se ia vlen të sjellim në mend që e dimë se ka një numër anëtarësh të Parlamentit, ka kryebashkiakë në Shqipëri dhe ka pasur kandidatë për kryebashkiakë që kanë pasur dënime për trafik droge në shtete anëtare të BE-së”, deklaroi Lu para një grupi studentësh të gazetarisë gjatë një bashkëbisedimi me ta.
Siç vihet re në disa fraza, ambasadori amerikan ka vënë theksin tek disa eksponentë të politikës me të kaluar kriminale, që siç dihet janë pikasur më së shumti në radhët e së majtës.
Për të gjitha akuzat e opozitës karshi drogës, Rama ka si mbrojtës kryesor atë që e konsideron vlerësim dhe komplimentim të faktorit ndërkombëtar karshi luftës së pretenduar kundër kanabist, referuar edhe raporteve të Guarda Di Financa-s italiane, e cila ka si mision monitorimin e territorit shqiptar. /tesheshi.com/
