Nga Gjon Neçaj
TROPOJË- Është zhvilluar mbledhja e parë e këshillit të bashkisë së Tropojës. Për herë të pare që nga viti 1992, bashkia e Tropojës, tashmë e riorgnaizuar sipas reformës teritoriale në një të vemte,nga 7 komuna dhe një bashki që drejtuan për 23 vjet, do të ketë një këshill që do të drejtohet nga e majta.
Në këtë bastion të së djathtës, postin e kryetarit të bashkisë e fitoi sërish një i djathtë, Besnik Dushaj, kundrejt rivalëve: ish-drejtues të strukturave të PD-së, Rexhë Byberi dhe Agron Demushi. Por kryetarit të ri të Tropojës, Besnik Dushaj, do t’i duhet t’i bindet një këshilli të mbizotëruar nga partitë e majta të koalicionit qeverisës.
Raporti i këshilltarëve ishte 12 me 9 ne favor të ASHE, por duke qënë se një këshilltar ka kaluar djathtas, raporti është 11 me 10.
Në këtë mënyrë këshilli i bashkisë Tropojë do të jetë në drejtimin e të majtëve. Pavarësisht kësaj, Partia Demokratike mbetet forcë e parë në Tropojë me mbi 18%. Forca e dytë në këtë bashki është Partia Socialiste me rreth 7 % dhe e treta LSI me 6.5o%.
Në Tropojë konkuruan rreth 40 parti, me nga një grusht votash në bilancin përfundimtar, duke e kthyer peshoren nga ana e së majtës. ASHE humbi kreun e bashkisë, por ka fituar për herë të parë këshillin.
E veçanta është se LSI-ja, ndonëse ka dale forcë e tretë politike, me 6.5 përiqnd të votive, ka rrëmbyer kryetarin e këshillit të bashkisë së Tropojës.
Për katër vitet e ardhshme këtë këshill do ta drejtojë Enver Buçpapaj. Kreu i ri i Këshillit bashkiak, në deklaratën e parë thekson se “Do të punoj me përkushtim vetëm për të mirën dhe të ardhmen e Rrethit tonë (harron se tashmë nuk ka rreth por bashki)”. /tesheshi.com/
