Nga Mensur Krasniqi
LSDM-ja opozitare në krye me Zoran Zaev ka prezantuar projektin e ri të partisë të quajtur “Vizioni për Maqedoninë”, i cili në javët e ardhshme do të promovohet në të gjithë vendin. Ky projekt sipas Zaev, bazohet në pesë shtylla, ndërsa shtylla e parë, siguron pushtet të përgjegjshëm dhe kontroll mbi pushtetin.
“Me këtë projekt po e kthejmë në duart pushtetin qytetarëve, e cila për momentin është e kidnapuar nga një grup i vogël i njerëzve dhe më të pengojmë që në të ardhmen të ndodh e njëjta. Shtylla e dytë siguron shpërndarje të drejt të buxhetit dhe dalje nga varfëria. Me këtë do të vendosen ndryshime në sistemin tatimorë dhe sistemin e transferimeve sociale në bazë të principit të drejtësisë. Fusha e tretë siguron zhvillim të kapaciteteve vendore dhe punë të ndershme. Me këtë do të vendoset baza për zhvillim ekonomik dhe hapje të vendeve të reja të punës. Prioritet do të kenë kompanitë vendore”, ka theksuar Zaev.
Për shtyllën e katërt ai tha se kjo do të siguroj të ardhme evropiane për Maqedoninë dhe jetë cilësore.
“Do të ndërtojmë shoqëri duke u bazuar në rrjedhat evropiane me energji të re për integrime euroatlantike për Maqedoninë. Shtylla e pestë siguron shoqëri të njëjtë për të gjithë. Do t’i japim fund ndarjeve të ndryshme, maqedonase, shqiptare ose çfarë do qofshin ata. Pesë shtyllat do t’i ngrisim njëkohësisht. Suksesi në luftën kundër varfërisë nuk është e mundur nëse nuk sigurohet ekonomi stabile. Zhvillimi i ekonomisë nuk është i mundshëm pas marrëdhënie të mira ndëretnike”, ka shtuar Zaev.
Ai tha se çdo kush ka vizionin e tij dhe në këtë aspekt LSDM-ja është e hapur për të dëgjuar çdokënd.
“Për këtë arsye po e hapim procesin e përputhjes së ideve me qytetarët. Dëshirojmë t’i kryqëzojmë idetë. Punkti i parë është vendosur përpara selisë së LSDM-së. Do të hapen edhe në vende tjera.”, tha Zaev, duke shtuar se komunikimi mund të bëhet edhe online nëpërmjet internetit, ku çdokush mund të jep qëndrimin e tij, të komentoj apo të jap ndonjë ide.
Procesi i ndërtimit të vizionit të përbashkët, theksoi Zaev, është hapur në 5 javët e ardhshme. /tesheshi.com/
