Qeveria britanike e quajti krejtësisht e papranueshme që në një dokument të botuar nga Këshilli i Europës të thuhet se “Gjibraltari është një koloni Mbretërisë së Bashkuar”.
Kështu është shkruar në një dokument të KE-së që propozon heqjen e vizës për britanikët, të cilët duan të hyjnë në një periudhë më të shkurtër (deri në 90 ditë) në zonën Shengen pas Brexit.
“Gjibraltari është një koloni e kurorës britanike”, thuhet në document, duke iu referuar një mosmarrëveshje midis Spanjës dhe Mbretërisë së Bashkuar në lidhje me sovranitetin e saj.
“Është krejtësisht e papranueshme për ta përshkruar Gjibraltarin në këtë mënyrë”, u tha nga kabineti i kryeministrss Therese May.
“Gjibraltari është krejtësisht pjesë e familjes britanike”, u theksua në deklaratë.
Ky territor prej 6.8 km2, në fundin jugor të Gadishullit Iberik, në vitin 1713 iu dha kurorës britanike nga Madridi, por Spanja ka kërkuar për një kohë të gjatë sovranitetin mbi të.
“Një shprehje e tillë nuk kontribuon në ndërtimin e një atmosfere të mirëkuptimit dhe besimit midis Gjibraltarit dhe Spanjës teksa përgatitemi për t’u larguar nga BE”, tha qeveria e Gjibraltarit në një deklaratë.
Gjatë referendumit britanik në vitin 2016 në Brexit, 96 për qind e banorëve të Gjibraltarit u deklaruan të jenë pjesë e bllokut evropian.
Marrëveshja e divorcit ndërmjet Londrës dhe Brukselit, e cila u kundërshtua nga deputetët britanikë në mes të janarit, përmban disa dispozita lidhur me Gjibraltarin.
Këto dispozita janë të formuluara për të bashkëpunuar në luftën kundër kontrabandës së duhanit, midis policisë, si dhe në respektimin e të drejtave të punëtorëve dhe mjedisit. /tesheshi.com/
