Detaje të reja dalin nga hetimet e sulmit mbrëmjen e 3 qershorit në zemër të kryeqytetit anglez.
Policia londineze bën me dije se sulmi terrorist në do të mund të kishte pasoja dramatike nëse agresorët do të realizonin plotësisht planin e tyre për të marrë me qira një kamion 7.5 ton.
Autoritet vendase tregojnë se terroristët dështuan që të kryenin saktësisht pagesën për të pajtuar kamionin dhe kanë përdorur një automjet më të vogël. Por hetuesit thanë se për të rritur peshën e furgonit, atentatorët kishin vendosur në pjesën e pasme thasë me rërë.
Ndërkohë, gjatë kontrollit në furgon policia e Londrës tha se janë gjetur bomba molotov dhe disa thika qeramike. Nga plagët e vërejtura në radhët e qytetarëve që ndodheshin në Urën e Londrës, policia theksoi se plani i terroristëve ishte që të prenin damarët në kyçet e duarve.
Tre agresorët u ekzekutuan nga policia 8 minuta nga marrja e telefonatës së parë për sulmin terrorist. Ndërkohë uniformat blu kanë theksuar se numri i viktimave është rritur në 8 vetë. I fundit qe humbi jetën është identifikuar si Ksavier Tomas.
Mbrëmjen e 3 qershorit Britania e Madhe u trondit nga sulmi i tretë terrorist brenda pak muajsh, pasi tre terroristë shtypën kalimtarët në Urën e Londrës dhe më pas i goditën ata me thikë. /tesheshi.com/
