Në vitin 2014, një grup shkencëtarësh dhe kërkuesish ndërkombëtarë publikuan një letër të hapur ku deklaronin se nuk ka asnjë argument shkencor që të vërtetojë se lojrat kompjuterike zhvillojnë trurin dhe e stërvisin atë.
Muaj më vonë një grup tjetër shkencëtarësh deklaruan të kundërtën.
Në fakt, të dyja deklaratat qenë të bazuara në burime të sakta dhe vëzhgime shkencore.
Kështu, për të zgjidhur konfliktin në fjalë një grup i tretë shkencëtarësh morën përsipër të bënin një rishqyrtim të burimeve duke i krahasuar dhe analizuar mirë.
Si përfundim arritën të argumentonin që vërtetë disa lojra kompjuterike e zhvillojnë trurin, por faktikisht vetëm një pjesë të trurit përgjegjës për atë lloj informacioni dhe aftësie, përshembull nëse luhet lojra me letra zhvillohet aftësia e kombinimit të letrave por nuk zhvillohet kujtesa apo pjesë e trurit përgjegjës për të.
Në të kundërt nëse luhet një lojë për të mbajtur mend përmendësh fjalët apo sendet zhvillohet aftësia e kujtesës. /tesheshi.com/
