Liverpool “prenoton” një mesfushor të rëndësishëm për sezonin e ardhshëm. The Reds kanë paguar klauzolën prej 51 milion eurosh për Naby Keita të Leipzig, e do ta kenë në dispozicion lojtarin nga Guinea, verën e ardhshme.
Skuadra e Klopp insistoi për të patur mesfushorin në përbërje që këtë verë, por diçka e tillë nuk u bë e mundur, edhe për shkak të angazhimit të Leipzig në Champions League.
Megjithatë, vetë Keita e ka postuar në profilin e tij në rrjetet sociale, lajmin për marrëveshjen e nënshkruar mes Liverpool dhe Leipzig, diçka e dëshiruar shumë edhe nga vetë mesfushori.
Keita luajti një kampionat të shkëlqyer me Leipzig sezonin 2016-2017, çka u kurorëzua edhe me aktivizimin në Champions League. Lojtari ra në sy për driblimet dhe vizionin e lojës, duke u kthyer në pikë referimi për skuadrën modeste, e cila, që pas ngjitjes së Bundesligë, arriti të përfundonte kampionatin në vendin e dytë. /tesheshi.com/
