Leo Messi ka konfirmuar se Botërori në Katar, i cili do të zhvillohet nga 20 nëntori deri më 18 dhjetor, do të jetë i fundit në karrierën e tij.
Messi, i cili është 35 vjeç, ka luajtur 164 ndeshje për Argjentinën dhe ka shënuar 90 gola.
“Kjo është Botërori im i fundit, me siguri”, tha Messi për Star+.
Argjentina e fitoi Kupën e Amerikës vitin e kaluar me një fitore kundër Brazilit (1:0).
“Nuk mund ta besoja, ishte një nga golat që më duhej për të mbyllur historinë. Për mua ishte e rëndësishme të fitoja diçka me kombëtaren. Është çmenduri si e përjetoi vendi, njerëzit janë të çmendur pas kombëtares. Duhet të ulim euforinë, të shkojmë të luftojmë njësoj me të gjithë, por të mos mendojmë se jemi kampionë”, tha Messi.
Argjentina do të jetë në një grup me Meksikën, Poloninë dhe Arabinë Saudite në Katar.
“Për shumë njerëz, ky do të jetë Botërori i tyre i parë, ata do të luajnë ndeshjen e tyre të parë. Ju nuk e dini se si dikush e përballon atë. Është shumë e rëndësishme të fitosh ndeshjen e parë.
Nuk do të jetë e lehtë. Në Botërorin e kaluar menduam se do të ishim të parët në grup, por nuk ishim”, tha Messi për vitin 2018, kur Kroacia fitoi grupin me nëntë pikë, ndërsa Argjentina kishte katër.
“Ka drithërimë, mezi pres që të fillojë. Të gjitha ndeshjet do të jenë të vështira, favoritët nuk fitojnë gjithmonë. Nuk e di nëse jemi një kandidat i madh për titull, por Argjentina është gjithmonë në mesin e kandidatët për shkak të historisë së saj, por ne nuk jemi favorit kryesor, ka skuadra mbi ne”, beson Messi.
Ai foli edhe për të ardhmen e tij. “Unë nuk mendoj për atë që kam arritur, gjithmonë mendoj për atë që do të vijë. Nuk do të jem trajner, por këtë e tha edhe Zidane. Më pëlqen menaxhimi sportiv, por nuk jam 100 për qind i sigurt“, ka thënë Messi. /tesheshi.com/
