Christopher Ward Jr. është një djalosh 12-vjeçar i cili ka lindur me hipoplasi të nervit optik, çka praktikisht do të thotë se gjatë gjithë jetës së tij ai ka qenë i verbër dhe nuk ka pasur mundësi që të shikojë.
Vetëm tani, falë syzeve të reja elektronika ai ka arritur të shikojë të ëmën. 12-vjeçari, i cili percepton vetëm pak dritë nga syri i majtë dhe shikon pak nga syri i djathtë është nisur nga Forest i Virginias për në Uashington, ku ka provuar eSight, një teknologji të re e cila u lejon personave që nuk mund të shikojnë, të shikojnë.
“Diçka duhet të vendoset shumë pranë syrit të tim biri, në mënyrë që ai të mund të shikojë”, – ka thënë e ëma, Marquita Hackley për Abc, duke nënvizuar se “djaloshi përdor çdo ditë syze në mënyrë që të mbrojë edhe atë pak shikim që i ka mbetur”.
Si çdo nënë, 32-vjeçarja ka nisur të qajë kur arriti të kuptonte se i biri po e shikonte. “U drejtua nga mua dhe më tha” Oh mami, ja ku je”. Kjo ishte gjëja e parë që bëri”,- tha gruaja. Ndër të tjera Ward pati mundësinë të shikonte edhe SpongeBob, spektaklin e tij të preferuar televiziv. /tesheshi.com/
