Një fytyrë simpatike de një gjuhë e gjatë, e cila vihej re lehtësisht. Fatkeqësisht, gjuha e të voglës Layla King nuk ishte një gjuhë si e gjithë fëmijëve të tjerë, por një sëmundje. Fëmija, e cila ka lindur në Missuri, erdhi në jetë me një sindromë shumë të rrallë, e cila nuk i lejonte që ta mbante gjuhën brenda në gojë.
Sot ajo është 13 muajshe dhe për herë të parë ka arritur të buzëqeshë si gjithë moshatarët e saj. Ajo ka bërë dy ndërhyrje kirurgjike shumë delikate për të korrigjuar defektin me të cilin kishte lindur.
Nëna e vogëlushes, Danielle Youngburg mësoi për sindromën e Beckwith-Wiedemann (BWS), ndërkohë që Layla ishte ende në barkun e saj. Sindroma bën që gjuha të rritet shumë shpejt dhe aspak në proporcion me organet e tjera jetësore.
Për fat të mirë ndërhyrjet patën sukses dhe sot e gjithë familja është më e qetë. “Sa herë që e vendosja për të fjetur, dridhesha nga frika. Gjuha, e cila ishte shumë e madhe, mund t’i bllokonte rrugët e frymëmarrjes dhe të shkaktonte vdekjen e të voglës time”, – tregon e ëma. /tesheshi.com/
