Reali i Madridit siguroi një fitore 3-1 në transfertë përballë Borusias së Dortmundit. Me fitoren e sotme, madrilenët thyen serinë negative në stadiumin “Signal Iduna Park”, ku kishin prej vitit 1998 që nuk arrinin pikë.
Gareth Bale shënoi golin e parë të avantazhit në minutën e minutën e 18-të, ndërsa Kristiano Ronaldo realizoi një dygolësh në minutat 50-të e 79-të.
Verdhezinjtë u përpoqën maksimalisht, por nuk mundën të marrin qoftë edhe barazimin, edhe pse nga statistikat zotëruan topin në mbi 52 % të kohës.
Në minutën e 54-të, Pierre-Emerick Aubameyang shënoi për 1:2, por ky gol nuk solli kthesën e Dortmundit!
Reali kryeson me 6 pikë në grupin H, aq sa ka edhe Totenhemi. Skuadra qipriote, APOEL nga Nikosia nuk ka pasur forcë që t’i bëj ballë anglezëve, që fituan 3:0. Futbollisti Harri Kein ka qenë në formë të shkëlqyer, duke shënuar het-trik në minutën e 39-të, 62′ e 67′.
Grupi H
Dortmund-Real 1:3 (0:1)
APOEL-Tottenham 0:3 (0:1)
Napoli, tregoi një superlojë në përballjen me Fejnordin, duke fituar 3:1, në ndeshjen e dytë të grupit F të Ligës së Kampioneve.
Në minutën e 7-të, Insinje nisi serinë e golave, për të vazhduar Martens në të 49-tën. Në minutën e 70-të, Kallejon thellon fitoren në 3:0, ndërsa holandezët patën rast të mirë të ngushtojnë humbjen, por Toornstra në minutën e 68-të ka qenë i pasaktë nga penalltia. Megjithatë, Ambrabat shënoi për 3:1 në minutën e 90+3.
Mançester Siti arkëtoi tri pikë që i japin siguri për sfidat e ardhshme. Ata fituan në Etihad me rezultatin minimal 2:0 përballë Shaktarin. Në minutën e 48-të, realizoi De Brune, ndërsa Sterling sulosi fitoren.
Aguero pati mundësinë për të realizuar në minutën e 71, por nuk u tregua i saktë nga pika e penalltisë.
Grupi F
Napoli-Feyenoordi 3:1 (1:0)
Manchester City-Shakhtar 2:0 (0:0)
Skuadra e Liverpulit nuk shkoi më shumë se një barazim përballë Spartakut të Moskës.
Pas barazimit 2-2 kundrejjt Seviljas, anglezët hipotekuan një tjetër pikë në Grupin E në transfertën e Rusisë.
Spartaku kaloi në avantazh në minutën e 23-të me golin e Fernando, por 8 minuta më pas Kutinjo barazoi shifrat 1:1.
Sevilja fitoi 3:0 ndaj modestëve të Mariborit. Futbollisti Bem Jeder me tri gola (27′, 38′ e 83′-nga penalltia) ishte “vdekjeprurës” për skuadrën sllovene.
Grupi E
Spartak-Liverpooli 1:1 (1:1)
Sevilla-Maribori 3:0 (2:0)
Monako pësoi një humbje shokuese në fushën e saj, 3:0 nga Porto. Portugezët treguan forcën dhe morrën tri pikë të arta, pasi ndeshjen e parë e kishin humbur në shtëpi përballë Beshiktashit.
Golat për Porton u realizuan nga Abubakar në minutën e 31-të e 69-të, dhe Layn në minutën e 89-të.
Beshiktashi, ekipi i Stambollit, triumfoi me rezultatin 2:0 ndaj skuadrës gjermane Lajpzigut.
Babel në minutën e 11-të e Talisca në atë të 43-të vendosën fitoren e skuadrës turke.
Grupi G
Besiktas-Leipzig 2:0 (2:0)
Monaco-Porto 0:3 (0:1) /tesheshi.com/
