Një gol i meksikanit, Javier Hernandez në minutën e 88-të, e ka dërguar Real Madridin në gjysmëfinale për të pestën here më rradhë. Përballja ndërmjet dy qyteteve të Madridit, Realit dhe Atleticos ishte e barabartë deri në atë minute deri sa shpërtheu stadium “Santiago Bernabeu”. Disa minuta më herët kuq e bardhët mbetën me një futbollist më pak në teren pasi turku Ardan Turan u përjashtua nga loja pas dy kartonave të verdhë. Kjo është historia 180 minutëshe të cilës iu gëzuan madrilienët, njëherit duke shënuar fitoren e pare këtë edicion ndaj rivalëve të qytetit në tetë përballjet e fundit.
Ka mjaftuar një barazim pa gola që Juventus të prekë gjysmëfinalen. Goli i ndeshjes së pare e panalizoi Monacon qëu deshtë të kënaqet deri në këtë tur, ndërsa për skuadrën e Masimiliano Aligerit rruga drejt Berlinit vazhdon. Juventus pas disa viteve rikthehet të jetë në mesin e skuadrave më të mira të kontinentit të Evropës.
Barcelona dhe Bayern Mynih kishin siguruar mbrëmë biletën për gjysmëfinale, ndërsa atyre iu bashkohen edhe Real Madrid dhe Juventus që të premten me fillim nga ora 12:00, do ta mësojnë shortin e gjysmëfinales. /tesheshi.com/
