Bayern mundi t’ia dalë përballë Portos për ta përmbysur rezultatin e ndeshjes së parë, (3:1). Njëherit përmbushi edhe slloganin e shumëkërkuar nga tifozët gjerman “Ne mundemi”. Madje skuadra e Pep Guardiolas jo vetëm që e riktheu rezultatin, por edhe i bëri pishman portugezët për ndeshjen e parë duke i shkatërruar me shifrat 6:1 në “Alianz Arena”. Kështu bavarezët kanë marrë biletën e gjysmëfinales katërtën herë më rradhë.
Barcelona ka konfirmuar statusin e gjysmëfinalistit tjetër përballë Parisit. Madje blaugranasit shënuan edhe një fitore tjetër duke mos i lënë asgjë rastit. Braziliani Neymar kësaj rradhe ishte vrasës i francezëve të cilët ende nuk ishin këndellur nga ndeshja e parë. Kështu Barcelona rikthehet edhe njëherë të konkurojë për trofeun e më të mirit të Evropës pasi sezonin e shkuar kishte dështuar në këtë fazë përballë Atletiko Madridit. /tesheshi.com/
