Delfinët njihen si miq të njeriut, pasi ata shpesh janë parë të shoqërojnë anijet në udhëtimet e tyre në det. Mirëpo imagjinoni sikur sa herë të shkoni për peshkim, të keni edhe një tufë delfinësh që ju drejtojnë drejt grupimeve të peshqve, gati për në rrjetën tuaj. Kjo është diçka interesante e duke nisur që nga shekulli i 19 e madje, edhe më herët, kjo ndodh në Laguna të Brazilit. Delfinët në këtë zonë janë krijuar një lidhje simbiotike me peshkatarët lokalë.
Peshkatarët brazilianë të Lagunës nuk shijojnë vetëm shoqërinë e delfinëve, por edhe varen prej saj në punën e tyre të përditshme. Ashtu siç shpjegon edhe një prej tyre, kur delfinët nuk janë rrotull, nuk ia vlen të peshkosh.
Po ja si ndodh e gjitha: së pari, peshkatarët qëndrojnë pa lëvizur në ujë, dhe presin për një shenjë nga delfinët. Më pas, ndërsa penda kurrizore afrohet përmes ujit, peshkatarët përgatisin rrjetat dhe presin për sinjalin e radhës. Delfinët lëvizin pendën për të ndryshuar drejtimin dhe përplasin ujin me bishtat e tyre, duke u nisur drejt bregut. Peshkatarët ndjekin drejtimin që ata tregojnë dhe hedhin rrjetet për të peshkuar shumë e shumë peshq të llojeve të ndryshme. /tesheshi.com/
