Pas thuajse tre orësh, liderët e katër partive më të mëdha në Maqedoni, nënshkruese të marrëveshjes së Përzhinos, arritën marrëveshje për tre ekspertët që do të jenë anëtarë të Komisionit Shtetëror Zgjedhor, që do të jenë përgjegjës për procesin e zgjedhjeve të parakohëshme parlamentare.
Rexhep Prekopuca, Atanas Urumov dhe Aleksandar Çiçakovski do të jenë tre anëtarët e ri të KSHZ.
“Ftojmë Kuvendin t’i finalizojë prcedurat e domosdoshme, që sa më shpejt Komisioni të nis me punë dhe t’i ndërmerr obligimet e duhura për zgjedhje të lira dh eta kontribuojë për krijimin e kushteve të barabarta parazgjedhore. U bëjmë thirrje institucioneve shtetërore që plotësisht ta mbështesin Komisionin në këtë detyrë të rëndë. Ftojmë Komisionin t’i sjellë vendimet e duhura, siç janë ekipimi kadrovik, përfshirë sekretarin general professional dhe të lartëkualifikuar për metodologjinë e kontrollit të listës zgjedhore dhe vërtetimin e procedurave dhe vendimin për ankesa paszgjedhore, në bazë të ligjit, pa ndikim politik”, thuhet në deklaratën e përbashkët të liderëve.
Liderët kanë ftuar qytetarët t’i lajmërojnë të gjitha parregullsitë te KSHZ dhe organet tjera relevante, siç është Avokati i Popullit.
Në këtë takim të liderëve pjesëmarrës kanë qenë edhe ambasadori amerikan Xhes Bejli dhe shefi i delegacionit të BE-së, Aivo Orav. /tesheshi.com/
