Policia e Tiranës arrestoi dy shtetas, të cilët lëviznin të armarosur në rrugët e kryeqytetit. Burime policore bëjnë të ditur se operacioni “Revolverët” u finalizua me arrestimin në kushtet e flagrancës së Almir Ismaili, 41 vjeç, dhe Roland Domi, 44 vjeç, i dënuar më parë për “heqje e paligjshme e lirisë” dhe “vrasje në bashkëpunim e mbetur në tentativë”.
Në bazë të informacioneve që këta shtetas lëviznin me armë zjarri me vete është bërë organizimi i shërbimeve dhe ndalimi i tyre, të cilët lëviznin me një automjet të markës Audi A8 (i blinduar).
Nga kontrolli i ushtruar shtetasve të mësipërm u janë gjetur dy pistoleta, të markave Smith&Wesson dhe TT.
Materialet proceduriale iu kaluan Prokurorisë së Rrethit Gjyqësor Tiranë, për veprën penale “Prodhimi dhe mbajtja pa leje e armëve luftarake dhe e municionit”, parashikuar nga Neni 278/4 i Kodit Penal. /tesheshi.com/
