24 gushti i vitit 2005 do shënohet si datë historike për Klubin Futbollistik “Barcelona”. Pikërisht në këtë datë ka debutuar ylli i futbollit, tashmë katër herë Topi i Artë, Lionel Messi. Argjentinasi ka debutuar përballë skuadrës italiane Juventus, në trofeun Joan Gamper që zhvillohet tradicionalisht për çdo vit.
Në atë kohë skuadra e Rijkaard barazoi me kampionët e Italisës përgjatë 90 minutave (2:2), ndërkohë humbi pas ekzekutimit të penaltive. Por, rezultati ishte fare me pak rëndësi. Barcelona e humbi ndeshjen, por e fitoi një lojtar i cili më vonë do bënte për vete gjitha rekordet botërore.
Ndonëse shumë pak e kishte pritur që një djalosh 18 vjeçar me 30 në fanelë do i rrëmbente protagonizmin yjeve botërorë si Ronaldinho, Deco, Ibrahimovic e Del Piero.
Paraqitja e Messit në Trofeun Joan Gamper:
https://www.youtube.com/watch?v=mYUqYtVilgA
Argjentinasi me lëvizjet e tij ka mahnitur çdo të pranishëm në stadium. Veprimet e tij përballë “murit” Cannavaro e Viera ishin cilësuar shumë nga njohësit e futbollit të asaj kohe. Askush nuk mundi ta ndalë vogëlushin e vogël argjentinas në minutën e 67, deri sa shmang mirë mbrojtjen juventine dhe shërben bukur Iniestan që para zonës së Abiatit e përshëndet topin në rrjetë. Mbrëmja ishte e rezervuar për Messin, me ç’rast edhe shumë mediume kishin shkruan “Gamper është i Messit”.
Ovacionet e Camp Nou
Rijkaard e zëvendësoi Messin në minutën e 90, për të marrë ovacionet e merituara deri sa publiku blaugrana iu përgjigj pozitivisht ftesës së holandezit duke i dhënë duartrokitje të panumërta Messit.
Ani pse askush nuk do të kishte menduar se ai një ditë do të bëhej më i miri në botë.
Fabio Capello, trajner i Juventusit në konferencën pas ndeshjes theksoi se italianët do të kërkonin nga Barcelona huazimin e tij. “Kurrë nuk kam parë një lojtar aq të ri me aq potencial. Gjithashtu kishin tre lojtarë tjerë të ri që i kam kërkuar Rijkaard të na lironte në formë huazimi apo edhe shitje, mirëpo ata nuk ishin të interesuar për të kryer një shkëmbim të mundshëm”, deklaroi Capello.
/tesheshi.com/
