Lëkundjet e tërmetit në kufirin mes Shqipërisë dhe Maqedonisë kanë vazhduar dhe gjatë natës ku ajo më e forta është shënuar me magnitutë rreth 4 ballë.
Shkundjet e tokës janë ndjerë në Kërçovë, pjesën maqedonase, si dhe në njësinë Ostren i Madh, Bulqizë, e më në jug akoma, Devoll, pjesa shqiptare.
Banorët e tronditur thonë se lëkundjet kanë zgjatur rreth 10 sekonda, por të mjaftueshme për t’u frikësuar nga pasoja eventuale. Kjo i ka detyruar që të braktisin për disa orë banesat, duke kaluar natën jashtë.
Nga 18 qershori deri sot në rajonin e Ohrit në Maqedoni, janë regjistruar mbi 1.000 tërmete.
Shpirtëra supersticiozë në këtë vend, i kanë lidhur lëkundjet me qëndrimin e një deputeti maqedonas të BDI-së, i cili ka dalë hapur në mbrojtje të komunitetit të homoseksualëve. /tesheshi.com/
