Ylli i basketbollit LeBron James vlerësoi lojtarët e futbollit amerikan të cilët protestuan kundër Donald Trump-it dhe e akuzuan atë për “përdorimin e sportit si platformë për të ndarë njerëzit”.
Trump tha të premten se lojtarët e NFL-së të cilët nuk qëndrojnë në këmbë, por gjunjëzohen gjatë intonimit të himnit të Shteteve të Bashkuara, duhet të përjashtohen.
Kjo shkaktoi një protestë edhe më masive të lojtarëve të futbollit amerikan gjatë fundjavës, të cilët u përgjigjën duke u gjunjëzuar apo mbajtur duart e njëri-tjetrit.
“Njerëzit udhëheqin në këtë vend. Unë nuk do të lejoj që një individ, pavarësisht nga fuqia e tij, të përdorë ndonjëherë sportin si një platformë për të na ndarë. Pa marrë parasysh pamjen, madhësinë, peshën, përkatësinë etnike, fenë apo diçka tjetër, njerëzit identifikohen me ekipe, lojtarë dhe ngjyra për shkak të sportit. Sporti afron njerëzit si asgjë tjetër”, tha James për mediat.
Ylli i basketbollit aktualisht luan për Cleveland Cavalierse, ku filloi karrierën në NBA.
Për disa kohë ai luajti për Miami Heat, me të cilën fitoi titullin kampionëve në 2012- 2013, por në 2014 u kthye në Cleveland.
Gjatë fushatës presidenciale të vitit 2016, ai ka mbështetur hapur Hillary Clinton, e cila kandidonte përballë Donald Trump. /tesheshi.com/
