Ylli i Cleveland Cavaliers nuk ka arritur të ndalë veten gjatë një luftimi për të zënë topin me Serge Ibakan, duke përfunduar kështu jashtë fushës, ku ka goditur një tifoze që ishte aty pranë.
Ellie Day ishte viktima e yllit të NBA-së, që përfundoi në spital pas goditjes së marrë nga James.
“Ishte sikur të më godiste një kamion”, është shprehur Day, pasi ishte shtruar në spital. Ndërkohë, basketbollisti është shprehur i shqetësuar me gjendjen e saj dhe pranoi se qëllimi i tij ishte të fitonte topin.
“Tentova të shpëtoja topin dhe rezultati ishte i tmerrshëm. Më kanë thënë se është mirë dhe unë gëzohem për këtë”, theksoi James.
Ellie Day është bashkëshortja e golfistit të njohur Jason Day, ç’ka ka bërë që ky lajm të zgjojë interes të madh në mediat amerikane. /tesheshi.com/
