Drejtori i Përgjithshëm i OBSH-së, Dr. Tedros Adhanom Ghebreyesus paralajmëroi se vetëm vaksina nuk do të mjaftonte për të mposhtur pandeminë e koronavirusit.
“Vaksina do të plotësojë mjetet e tjera që kemi por nuk do t’i zëvendësojë ato,” tha Ghebreyesus në një takim të këshillit ekzekutiv të OBSH.
Kur bëhet fjalë për vaksinën, ai është përpjekur të ulë optimizmin ditët e fundit pasi laboratorët Pfizer dhe BioNTech njoftuan se vaksina e tyre, e cila është në fazën e tretë të testimit, është 90 për qind efektive.
“Fillimisht, sasitë do të jenë të kufizuara dhe për këtë arsye personeli mjekësor, të moshuarit, dhe grupe të tjera në rrezik, do të kenë përparësi dhe ne shpresojmë që kjo të zvogëlojë numrin e vdekjeve dhe të lejojë që sistemet shëndetësore të mbijetojnë”, tha Ghebreyesus, duke paralajmëruar se “do të ketë akoma shumë hapësirë për veprimi i virusit “.
Prandaj ai bëri thirrje që masat që kontrollojnë përhapjen e koronavirusit, të tilla si testimi, karantina dhe monitorimi i kontaktit, të mos shfuqizohen para kohe.
Një valë e re e pandemisë i ka detyruar vendet të marrin kufizime shtesë për të frenuar përhapjen e virusit. /tesheshi.com/
