Një lajm i keq për Milanin, pasi mbrojtësi Andrea Conti ka pësuar një lëndim të rëndë dhe do të mungojë për të paktën gjashtë muaj.
Mëngjesin e së shtunës ai pritet t’i nënshtrohet ndërhyrjes kirurgjikale, para se të nisë programin rikuperues.
“Andrea Conti iu është nënshtrua testeve klinike, që kanë nxjerrë dëmtimin e ligamentit të përparmë të gjurit të majtë. Anësori i djathtë do të operohet nesër, ndërhyrje që do të kryhet nga profesor Schonhuber. Koha e rikuperimit përllogaritet në 6 muaj”, thuhet në komunikatën zyrtare të Milanit.
Conti është transferuar këtë verë te Milani nga skuadra e Atalantas. /tesheshi.com/
