Kryeministri Ramush Haradinaj, përmes një mesazhi pak orë para se qytetarët t’u drejtohen kutive të votimit ka kërkuar prej tyre dhe nga partitë politike që t’ia zbardhin fytyrën vendit me zgjedhje të lira dhe fer.
Ai kualitetin e zgjedhjeve e ka lidhur me liberalizimin e vizave.
“Dua t’i falënderoj të gjitha partitë politike për një korrektësi në fushatë, për një kujdes. Ka pasur ndonjë ta quajmë ashtu incident. Por megjithatë mendojmë që procesi ka shkuar në rregull. I lusim besoj në emër të gjithë secilit këtu, partitë politike, gjithë akterët pjesëmarrës në zgjedhje, mekanizmat e rendit dhe të ligjit, KQZ-në, KKZ-në dhe qytetarët që t’ia zbardhin fytyrën Kosovës me zgjedhje sa më të mira, me zgjedhje fer. Të votojmë lirshëm. Mos të harrojmë se dhe nga kualiteti i zgjedhjeve varet shpejtësia me të cilën ne arrijmë te liberalizimi i vizave, perspektiva evropiane dhe krejt proceset para nesh. I uroj Kosovës fat në këto zgjedhje komunale”, tha ai. /tesheshi.com/
