Deputetja e VV-së, Aida Dërguti ka hedhur gaz lotësjellës në mbledhjen e Kryesisë së Kuvendit.
Mbledhja është ndërprerë menjëherë dhe pjesëmarrësit janë shpërndarë.
“Kuvendi i Kosovës, përkatësisht shumica, në pamundësi për të bërë presion në qeverinë për të tërhequr marrëveshjet, po bën presion në opozitën për të marrë pjesë në seancat e Kuvendit”, ka thënë Dërguti.
Seanca ka nisur të mbahet në sallën e improvizuar derisa Kryesia suspenduar sërish disa deputetë të opozitës.
Dërguti, me këtë rast ka treguar se edhe emri i saj është në listën e të suspenduarve, ndërkaq vetëm gjashtë prej deputetëve të opozitës nuk janë suspenduar nga seanca.
Sipas saj, ky vendim është i kundërligjshëm. Ajo thotë se është i mundshëm suspendimi i ndonjë deputetit, por vetëm gjatë seancës.
“Po aq sa gazi lotsjellës edhe vendimi i kryesisë është i kundërligjshëm”
“U lexuan emrat e shumicës së deputetëve të opozitës të cilët u suspenduan nga seanca, në përjashtim të 6 prej tyre”
Sipas saj, vetëm Besa Baftiu, Ilir Deda, Faton Topalli, Fisnik Ismaili dhe një deputet tjetër i NISMA-s nuk janë në listën e të suspenduarve.
“Ky vendim është përsëri i kundërligjshëm. Në bazë të rregullores është e mundshme që një apo më shumë deputetë mund të përjashtohen nga seanca, por ai vendim merret në seancë”, tha Dërguti.
Ajo më tutje tregon se nuk e kupton arsyen se pse është e suspenduar dhe se ajo së bashku me deputetët tjerë të opozitës qëndrojnë prapa vendimeve të tyre brenda kuvendit.
“Nuk e di pse jam suspenduar, por gjithë deputetët e opozitës qëndrojnë prapa vendimeve të tyre brenda në Kuvend, të gjitha bëhen për një qëllim”, ka thënë Dërguti.
/tesheshi.com/
