Muzika e lehtë shqiptare nën komunizëm, është njohur gjithashtu dhe për linjën e saj pashmangshmërisht ideologjike. Si tek filmat shqiptarë të Kinos “Shqipëria e re”, të cilat ende kanë një vlerësim të lartë tek një pjesë e opinionit, edhe këngët e festivaleve po ashtu ende kanë një forcë manjetike për nostalgjikë jo domosdoshmërisht me shije komuniste.
Dhe duke qëndruar tek muzika, ekziston një rast unik kur një këngë, edhe pse i kushtohet Enver Hoxhës, emri i tij nuk përmendet në asnjë rast në tekst.
Për hir të së vërtetës, këngët me Enver brenda kanë qenë më të pakta se ato me parti, dhe se linja idelogjike shprehej më së tepërmi me metafora në fabula përgjithësisht sociale.
Por cila është ajo këngë kur fund e krye i kushtohet Enverit, pa u përmendur Enveri?
Bëhet fjalë për “Pragun e vegjëlisë” të Mefarete Lazes në festivalin e ‘83-it, ku tekstin e ka shkruar Xhuljana Jorganxhi e muzikën e ka bërë Flamur Shehu, i cili, si për ironi, në kushte demokracie do rreshtohej krah PD-së. /tesheshi.com/
https://youtu.be/xt8Ayy0Ibx4?list=RDxt8Ayy0Ibx4
