Fati i vërtetë ishte mbijetesa pasi u godit nga një rrufe në moshën 14 vjeçare, ndërsa i dyti ishte fitorja e një lotarie të majme, e cila bie shumë rrallë.
Kanadezi Peter McCathie nga Moncton, mund ta cilësojë veten si njeriu i fatit të pamundur. Pasi mbijetoi mrekullisht në adoleshencë nga një rrufe që u shkarkua në liqenin ku ai po lahej, pak ditë më parë fitoi në lotari rreth 1 milionë euro, në Atlantic Lottery.
Sipas matematicienëve mundësia për të shpëtuar nga rrufeja është një në një milionë, ndërsa e fitimit të lotarisë një në 14 milionë, ndërsa kombinimi i të dyjave një në 2.6 trilionë.
Burri deklaroi se me një pjesë të parave të fituara në lotari do e çojë të shoqen me pushime për të bërë një muaj mjalti të dytë. /tesheshi.com/
