Administrata Tatimore ka vendosur që “betejën” për kuponin tatimor ta zhvendosë dhe në bankat e shkollave. Duke iu qasur problematikës në aspektin edukues krahas atij ndëshkues, kjo instancë shtetërore të bashkëpunojë me Ministrinë e Arsimit, siç thuhet, “për të rritur ndërgjegjësimin dhe edukimin tek nxënësit e shkollave parauniversitare për marrjen e kuponit tatimor për çdo blerje apo shërbim që kryejnë”.
Prej më shumë se dy javësh, Ministria e Financave dhe Administrata Tatimore nisi atë që e konsideroi “një fushatë edukuese dhe ndërgjegjësuese me sipërmarrjen dhe qytetarët për kuponin tatimor”, e cila është shtrirë në të gjithë vendin, me një fokus të veçantë në zonat turistike për shkak të përqëndrimit më të madh të aktivitetit të biznesit dhe pushuesve në këtë sezon.
Por një vit më parë, fushata ishte krejt ndryshe, që me një ashpërsi të paparë ndëshkuese, prodhoi dhe shumë situata sa dramatike aq dhe groteske.
Dhe si në rastin e aksionit kundër vjedhjes e mospagesës së energjisë, fushata e kuponit tatimor shfaqi selektivitetin e njohur, ku ata që u bdëshkuan qenë më të dobëtit dhe të pambrojturit. /tesheshi.com/
