Paraguaji ka përgatitur një befasi jo fortë të këndshme për Brazilin, duke e eliminuar nga Kupa e Amerikës . Penalltitë kanë qenë “ters” për skuadrën e Dungës, e cila megjithëse e pa veten në gjysmëfinale teksa kaloi në epërsi me golin e Robinhos në pjesën e pare, një gabim amatoresk i Tiago Silvas brenda zonës, duke luajtur me dorë, i ka dhënë mundësinë Derlis Gonzalesit ta barazojë rezultatin nga penalltia, dhe kështu të mbyll ndeshjen me barazim.
Në bazë të rregullave të këtij kompeticioni, duhet ekzekutuar penalltitë menjëherë, pa vazhdime. Mirëpo, rrethi i bardhë ndërroi ngjyrë për Riberion dhe Daugllas Kostan e Brazilit që nuk qëlluan portën fare, ndërsa Derlis Gonzales realizoi penalltinë vendimtare për Paraguajin për të shkuar tutje pas rezultatit 3-4.
Kështu, Paraguaji mohon një “superklasike” që kemi mundur të shohim në gjysmëfinale. Tashmë skuadra Argjentinës pret Paraguajin në betejën e fundit para se të shkojnë drejt finales. /tesheshi.com/
