Ku të çon halli: të rinj refugjatë sirianë në Turqi duke mësuar cirk (foto)

Mardin, një qytet i lashtë në Turqi afër kufirit me Sirinë, ka parë një fluks të madh refugjatësh që kur shpërtheu lufta në vitin 2011. Është e mundur të shihet Siria nga çatitë e shtëpive në Mardin, i cili është rreth 100 km nga kufiri – një distancë të cilën shumë refugjatë e kanë bërë me këmbë kur kanë ikur nga lufta.

Pavarësisht bujarisë së qeverisë turke për t’ju përgjigjur nevojave të refugjatëve, arsimimi ngelet një nga problemet që të rinjtë emigrantë po hasin në Turqi për shkak të pengesës së gjuhës. Sipas Human Right Watch, nga 700 mijë të rinj sirianë në moshë shkollore që  ndodhen në Turqi, 400 mijë prej tyre nuk frekuentojnë një shkollë.

Për këtë arsye, Art Anywhere Association, një organizatë me bazë në Mardin, ka gjetur një tjetër qasje ndaj pengesës së gjuhës; dhe, për t’i mbajtur të rinjtë të stimuluar ka hapur një shkollë cirku.

Të rinjtë mësojnë xhonglim, ecje në litar, mbajtjen e objekteve në ekuilibër sipër hundës e shumë aftësi të tjera, të cilat nuk kanë nëvojë për njohuri gjuhësore.

Këto lloj aktivitetesh i kanë ndihmuar të rinjtë që të shoqërizohen me njëri-tjetrin. /tesheshi.com/