Theresa May ka deklaruar e bindur se të 27 vendet europian do ta nënshkruajnë marrëveshjen me Mbretërinë e Bashkuar, edhe pse shefi i qeverisë sllovake pralajmëroi më herët për një bllokim të bisedimeve.
“27-shja do të nënshkruajë një marrëveshje me ne,” tha kryeministrja e Britanisë. “Ne kemi për të negociuar me ta. Dhe do të jemi ambiciozë në atë që duam të shohim për Mbretërinë e Bashkuar. Një marrëveshje e mirë për Britaninë mund të jetë gjithashtu një marrëveshje e mirë për shtetet e tjera anëtare.”
Me theksin në atë çka mund të fitojnë vendet e BE-së nga marrëveshja, May ka shtuar, “Kjo nuk ka të bëjë vetëm me ne; në të vërtetë ka të bëjë me tregtinë dhe marrëdhëniet e tyre brenda asaj hapësire europiane.”
Drejtuesi i qeverisë së Sllovakisë, Robert Fico, do të pohonte javën e kaluar se vendi tij, Çekia, Polonia dhe Hungaria, ishin të gatshme t’i bllokonin bisedimet e Brexit-it nëse qytetarët e tyre nuk e ruanin të drejtën për të punuar në Britani. /tesheshi.com/
